Srdoči Online / Početna stranica

08.02.2012 PROMOCIJA PRVE KNJIGE KA POVEDA KAKO SE J'ŽIVELO PUL SRDOČ Kako smo i najavili promocija prve knjige ka poveda kako se j' živelo pul Srdoč održana je četrtak 26.01.2012. na 18.00 ur va prostore Mjesnega odbora Srdoči, M.Krleže br.4. Najavu promocije knjige i Udruge "Mavrica" Srdoči kod i izvješće kako je se pasalo imeli ste nadamo se prilike čut na Radio Rijeci va emisije sredom 25.01.2012. na 10.30 i va Novem liste, na stranicah BESEDE na dane 26.01. i 2.02.2012., va članke Novega lista od 26.01.i 31.01.2012., a i va emisije "ćo mi ćo ti" nedeju 29.01.2012. kad je gostovala urednica naše knjigi dr.sc. Maja Polić,- (beseda zmamit),- ča se govori da smo fanj bili va medijeh. Ma ako sve to i niste popratili, evo izvješća o svemu i puno lepeh slik, pa uživajte van ten, kod ča su, verujemo, i si ki su na promociji bili. Pa evo više o semu ča se dogajalo 26.01.2012. Detaljnije...

31.12.2011 Već duže nismo pisali ča se dela va Udruge "Mavrica", pa evo sad malo noveh informacijo temu. Podnesene su prijave na raspisane natječaje Primorsko-goranske županije, Grada Reki i Grada Kastva - Odjelima za kulturu, za sredstva va 2012. za kad se planira pisat o ČITAONICI SRDOČI. Puno je bilo dela za dovršit prvo knjižno izdanje o Srdočima, va ken su zapisi pok. Iveta Blečića-Gržićevega, a zove se "SRDOČI NEKAD – KAKO SE J' ŽIVELO PUL SRDOČ," a bit će promovirana tijekom siječnja 2012., a ovde van je slika kako to zgleda. Ovo je bilo za nas velo delo, morda tako ne zgleda , ma reče se da se vredne stvari čuvaju va mićen. Detaljnije...

18.09.2011 “MAVRICA“ - Udruga za očuvanje zavičajne baštine i tradicije, kulturnih običaja, povijesnih posebnosti i lokalnog čakavskog govora mjesta Srdoči POZIVA VAS NA kulturno zabavni program proslave KRIŽEVICE I DANA MO NEDEJU 18.09.2011. NA 5 UR ZAPOLNE NA BOĆARIJE PUL MARKOVIĆ Detaljnije...

Objavljena vijest o održanoj domaćoj večeri govora i pjesam bila je jako kratka, pa ćemo ovde još malo neč o temu reć. Namjena održavanja ove večeri bila je prvenstveno promocija novoosnovane Udruge za očuvanje zavičajne baštine i tradicije, kulturnih običaja, povijesnih posebnosti i lokalnog čakavskog govora "MAVRICA" SRDOČI, a uz pomoć i podršku OŠ Srdoči. Za kompletnu obavijest sa ovog događaja odaberite sa lijeve strane Udugra "MAVRICA" gdje ćete naći sve informacije. Detaljnije...

14.03.2011 SRDOČEVE MAŠKARE OBNOVILE TRADICIJU Kako smo najavili, Srdočeve maškare na pusni pondejak oko 12.30 krenule su va obilazak Srdoč i okolnih mjesta, sa šterne u centru starih Srdoč, kako se je to i nekad hodilo. Da će se to dogodit objavila je jako lepo Radio Rijeka na 8.00 ur jutro, a zapisal i Novi list va svojen Informatore za taj dan, hvala njin za to. Na šterne se okupilo neč judi, ma ne dosta, a svi su neč prnesli, bilo je i slanega i slatkega se sorti, i za pojist i za popit. Skoro nan je bilo žal da maškare gredu brzo ća aš smo se lepo zabavili, počastili i razumno popili. Detaljnije...

04.03.2011 SRDOČEVE MAŠKARE KREĆU SA ŠTERNE U CENTRU STARIH SRDOČ NA PUSNI PONEDELJAK 7.03.2011. oko 12.00 sati Kako je već i ranije planirano ovo leto Srdočeve maškare krenut će u obilazak Srdoč i okolnih mjesta, sa šterne u centru starih Srdoč, odkuda su vavek i započinjale svoj obilazak. Dogovoreno je to sa voditeljima Srdočeveh maškar, a tu su glavni, Rajko Mataija, a onda blizu njega Mladen Mataija, Marino Srdoč, Rajko Blečić, Rajko Mulac....... Novoosnovana Udruge "Mavrica" Srdoči čiji su osnivači većinom i voditelji Srdočevih maškara, pomoć će u organizaciji njihovega dočeka i početka obilaska na šterne u centru Starih Srdoči, tako da će se počastit s domaćemi kolači ki se o Puste delaju, a već se zna da su to ulenjaki, orehnjače,presnac. Dragi judi od Srdoč pridite va zakazano vreme na šternu va centre starih Srdoč, pridružite se i podržite stare užance. Pozivamo i da ovaj put svaki neč prigodno donese da se svi skupa malo počastimo i veselo otpratimo Srdočeve maškare u njihov pohod. Drugo leto ćemo više i bolje to moć organizirat i sponzorirat. Detaljnije...